شنو اهو الـ POC

شنو اهو

الـ POC، أو Point of Control، اهو السعر اللي تداول عنده أكبر عدد عقود بالجلسة. على الـ Volume Profile اهو أطول عمود.

شلون ينقرا

الـ POC يقولك وين تركز التداول. أكثر سعر اتفق عليه اللي اشترى واللي باع بهالجلسة.

وعندي ثلاث أشياء أطالعها فيه:

الأول: مكانه داخل القيمة. الـ POC قريب من الـ VAH، ولا قريب من الـ VAL، ولا بالنص؟ هذا يوصف شكل الجلسة. التفصيل بصفحة شكل الـ Profile.

الثاني: مكان السعر منه. السعر الحين فوق POC الجلسة اللي طافت ولا تحته؟

الثالث: أطالعه كمنطقة، مو كسعر واحد. لو العمود اللي جنبه أقصر منه بعقود قليلة، الفرق بينهم صدفة. كم عقد زيادة كانوا ينقلون الـ POC tick فوق أو tick تحت. فاللي يهم قمة الحجم كلها.

والسعر مرات يتفاعل عند الـ POC ومرات يمر منه. مرات، مو دايماً.

مثال

على ES، وبأرقام توضيحية:

الـ POC عند 6,010.00 وفيه 12,400 عقد. السعر اللي فوقه بتك، 6,010.25، فيه 12,350 عقد.

الفرق 50 عقد من 12 ألف. فما أقول «الـ POC عند 6,010.00 بالضبط». أقول: قمة الحجم حول 6,010.00.

والـ VAH بهالجلسة عند 6,025.00 والـ VAL عند 5,995.00. يعني الـ POC بالنص تقريباً: التداول كان متوازن حول نص القيمة.

الغلط اللي يطيح فيه المبتدئ

  • يحط خط على الـ POC بالتك، وينطر السعر يلمسه بالضبط.
  • يحسب إن الـ POC مكان السعر لازم يرجع له.
  • يخلط بين POC الجلسة اللي ماشية (يتحرك مع التداول) وPOC الجلسة اللي طافت (رقم ثابت).
  • يخلطه مع الـ VWAP. الـ POC أكثر سعر تداول، والـ VWAP متوسط الجلسة. بيوم التوازن يقربون من بعض، وباليوم اللي مشى باتجاه واحد عادةً يبتعدون.

على سوق ثاني

الـ POC ينحسب من عقود حقيقية، وهذي من CME وCOMEX بس. شارت الوسيط يعطيك POC من tick volume، وممكن يطلع عند سعر ثاني.

وسعر الوسيط (مثل XAUUSD وEURUSD وUS500) يختلف عن سعر CME وCOMEX. فحدد الفرق (basis) بنفس الدقيقة قبل ما تستخدم أي مستوى أو تحلل أو تدخل أي صفقة، وانقل المستوى كمنطقة مو كخط. وهذا سبب ثاني إنك تطالعه كمنطقة.

وين تكمل

الـ POC واحد من ثلاث أرقام. الباقي بصفحة الـ Value Area. وشلون نقرا العقود لما السعر يوصل قمة الحجم، هذا من اللي نسويه بـ الورشة.

المحتوى تعليمي، ومو نصيحة مالية. وكل الأرقام بالأمثلة توضيحية، مو أسعار حقيقية.